يا احله وطن بي تنتخي الاوطان


يا بيت الشمس يمضوي البلدان

يا دين وكنيسه وجامع وقرأن

1) يابغداد

رغم الجرى والصار نبقى اهل الامجاد
والله
تبقى وتظل تاج النه بغداد


2)- يالعماره

حلوة وجمال البيج ما منه جاره

وبالطيبه يا هل ناس تاج العماره



3)يالبصره
ياطيبه وجمال البيج ما خله حسره

وصدكوني هذا البيت تفصاله بصره


4)- الكوت

يفتخر شعبج بيج من صرتي يلكوت

جي زلمج بلا خوف تركض على الموت



5- النجف

النجف يهل الدين شمس وي الاسلام

جي بيهه ابو الحسنين سهرانه متنام



6-كربلاء

كربله وبيهه حسين تحسدهه هالناس

والخوه بيها وسام للعدهة مثل عباس


7- الناصريه

بالناصريه ابداع فن وحظاره

بيها الكرم عنوان ما طفت ناره


8)السماوة

يا معشر الطيبين يهل السماوة

وبيهه البشر اطياف بالحك تساوة


9- الديوانيه

للديوانيه اريد اليوم اشرح وضعهه

نسر ونزل عالكاع منهو الرفعه



10- دهوك

بدهوك اريد اليوم اكعد وسامر

جي اهلج الطيبين للوطن ساتر


11- اربيل

جنة واجت عل الكاع صدكوني اربيل

وبيهه الكرم انواع وبكيفك تشيل


12- كركوك

كركوك الج بالعين صدكيني دمعه

والوطن بيه شموع وانتي احلى شمعه


13 تكريت

تكريت الج بالروح صدكي المعزه

مو طاهر الي راد اسمج يجزه



14-السليمانيه

سليماني طب بالروح عاشرته يومين

شايل كرامه وجود تترسلي بيتين



15- الرمادي

روحي شتهت وتريد بس للرمادي

حزنانه بيها تريد تنزع سوادي



16- الحله

يا حله ياأم الخير يا شجرة الجود

بيج الحلا عنوان تشهدلج شهود



17- ديالى

لديالى يهل الشوك بس ليهه خنروح

بيهه الخظار هواي ويرجع الروح


18- الموصل

يلموصل الحدباء يم المحنه

بيج العشك عنوان ونتي احلى منه __________________

المصدر: منتديات حب عمري - من قسم: قسم الشعر الشعبي - ابوذيه دارمي زهيري