شعر شعبي عن الضالم , ابد ماانسى جرحك وانه الك ممنون

14-11-11, 02:35 PM

ذلتني المحبه ودم بجيت النوب

كرهت الدنيه كلهه شلون ذلتني

بجتني اعله حبك سهرتني الليل

وعينك هاي انت بغيض بجتني

ابد ما انسه جرحك وانه الك ممنون

واطباعك تجارب كومه علمتني

بس اصبر علي لازم يجيلك يوم

وتضل تصرخ يناس النار جوتني

ردت بس فرصه منك وارفضتهه شبيك

هاي اعيونك ادري شبيهه رفضتني

مجروح الكلب اسف يكلبي هواي

غيمه وخيمت من الغفل جتني

ابوسك واعتذر ياكلبي شلت اهموم

اقبل عذري مني الدمعه عذبتني

ما ادري الوكت يغدرني ويبجيك

غافلني الوكت وعيوني غفلتني

ماحسيت ابد بطباعه اله اليوم

من ذل حبي اله ومن عينه جرحتني

من سد الطرق وبوجهي سد الباب

من جر كلمته وبحدهه موتني

هسه اتعلمت لكن بعد شيفيد

احس بجروحي روحي .. وروحي حركتني

من كد الشحوب البلوجه مزروع

عرفو حزني كل الناس عرفتني

بعد مارد الك وك بعد شحجي وياك

كل الدنيه الك بس انه عافتني

مليت انه منك حيل وك مليت

ومليت انه مني ومني ملتني

ما اشكيك ابد واشعاري تشكي الصار

منك من قسوتك من تعب متني

خلتني رمح وبكلبي نابت ليش

جرح نص جرحي وبكل عبره خلتني

زرعتني بأمل .. ماشفت منهه الماي

اذا ما الهه خلكي شبيهه زرعتني

اضل انطر مطر والعمر شو تموز

يعني باختصار الدنيه موتتني

auv aufd uk hgqhgl < hf] lhhksn [vp; ,hki hg; llk,k

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شعر شعبي عن جرح الحبيب , عايدتني بالجرح جرحك مبارك	Mā7mǾöĎ	قسم الشعر الشعبي - ابوذيه دارمي زهيري	1	08-11-11 09:58 PM
تحميل اغنية اثر جرحك للمطرب علي العزيز بـعنوان أثر جرحك 2012	اميرة بغداد	اغاني عراقية 2012 - البومات الاغاني العراقية 2012	0	20-10-11 05:50 AM
( شعر شعبي عن الخيانة ) جبت جرحي اعلى جرحك جيت عناي	لمى البغدادية	قسم الشعر الشعبي - ابوذيه دارمي زهيري	0	09-02-11 10:00 PM
( شعر شعبي عن الجرح ) على باب جرحك	k.9	قسم الشعر الشعبي - ابوذيه دارمي زهيري	4	06-01-11 09:32 PM
قل لمن جرحك 10 جمل	صدى الأهات	قسم المواضيع العامة	8	26-09-10 03:37 PM

الذين يشاهدون محتوى الموضوع الآن : 1 ( الأعضاء 0 والزوار 1)

قسم الشعر الشعبي - ابوذيه دارمي زهيري